Пластиктің таңбалануы
Қаптамадағы ішінде саны бар үшбұрыштар — сенімді көмекшіңіз. Сан қаптаманың түрін және оны қайта өңдеуге тапсыруға болатынын түсінуге көмектеседі. Үшбұрыш астындағы әріптік қысқарту материалдың түрін білдіреді, мысалы PP (полипропилен) немесе GL (шыны).
- PET(E) немесе ПЭТ — полиэтилентерефталат: әдетте түбінде дөңес нүктесі бар, су, газдалған сусын, сүт, май сатылатын бөтелкелер. ПЭТ-тен сусабынға арналған мөлдір құтылар мен бір рет қолданылатын тағам ыдыстары да жиі жасалады. Бірлік таңбасы бар пластикті қайта өңдеуге тапсыруға болады.
- PEHD (HDPE) немесе ПНД — төмен қысымды полиэтилен: канистрлер, бөтелке қақпақтары, косметика мен тұрмыстық химия құтылары. Екілік таңбасы бар пластикті қайта өңдеуге тапсыруға болады.
- PVC немесе ПВХ — поливинилхлорид: терезе жақтаулары, блистерлер, дәрі, торт және сүзбе қаптамалары, термоқысқаратын үлдір, косметика құтылары, ойыншықтар. Мұндай қаптамадан аулақ болыңыз: ол зиянды, оны қайта өңдеуге тапсыру іс жүзінде мүмкін емес.
- PELD (LDPE) немесе ПВД — жоғары қысымды (тығыздығы төмен) полиэтилен: пакеттер мен үлдір. Төрттік таңбасы бар пластикті қайта өңдеуге тапсыруға болады, бірақ қабылдайтын орынды іздеу керек.
- PP немесе ПП — полипропилен: бөтелке қақпақтары, үлкен және кіші шелектер, йогурт стақандары, линза қаптамалары, сытырлайтын пластик қаптамалар. Бестік таңбасы бар пластикті қайта өңдеуге тапсыруға болады.
- PS немесе ПС — полистирол, кәдімгі және көбіктендірілген түрі болады. Көбіктендірілген полистиролдан пенопласт, жұмыртқа ыдыстары, ет пен өнімдерді буып-түюге арналған науалар жасалады. Кәдімгі полистиролдан йогурт стақандары, компакт-диск қаптамалары және бір рет қолданылатын ыдыстардың барлығы дерлік жасалады. Қайта өңдеуге тапсыруға болады, бірақ мұндай қаптамадан аулақ болған дұрыс, себебі ол зиянды.
- O(ther) немесе БАСҚА. Әртүрлі пластиктердің қоспасы немесе жоғарыда көрсетілмеген полимерлер. Мысалы, ірімшік, кофе, жануарларға арналған жем қаптамалары. Қайта өңделмейді.
Қысқаша қорытынды:
| 1. PET (E) немесе ПЭТ | Тапсыруға болады |
| 2. PEHD (HDPE) немесе ПНД | Тапсыруға болады |
| 3. PVC немесе ПВХ | Тапсыру іс жүзінде мүмкін емес, аулақ болған дұрыс |
| 4. PELD (LDPE) немесе ПВД | Қайта өңдеуге тапсыруға болады, бірақ қабылдайтын орынды іздеу керек |
| 5. PP немесе ПП | Тапсыруға болады |
| 6. PS немесе ПС | Тапсыруға болады |
| 7. O(ther) немесе БАСҚА | Қайта өңделмейді |
Пластикті қайда тапсыруға болатынын Ecoparsec командасы жасаған картадан көруге болады:
Бұл — пайдаланушы жазған мақала. Ақпарат дәл емес немесе ескірген болуы мүмкін.